Tunel berriaren barnean leherketa kontrolatuak egiten hasi behar dutela eta, bihartik aitzinera, martxoak 5, trafikoan etenaldiak suertatuko dira egunero N-121-A errepidean Belateko tuneletik pasatzeko. Etenaldi horiek 15-20 minutu iraunen dutela aurreikusi dute, eta egunean behin eginen dituzte, beti egunez.
Leherketen maiztasuna eta ordutegia lanen aurrerapenaren eta lurraren ezaugarrien araberakoa izanen denez, trafikoaren mozketak ezin dituzte aitzinetik planifikatu. Hortaz, Belateko tuneletik pasatu behar dutenei gomendatzen diete kontuan hartzeko balizko mozketa horiek.
N-121-A
Belateko obrak direla eta, bihartik aitzinera egunero hogei bat minutuko mozketak eginen dituzte tunelean leherketak egiteko
Belateko tunel berriaren barnean leherketa kontrolatuak egiteko, asteazkenetik aitzinera hogei bat minutuko mozketak egiten dituzte egunero. Nafarroako Gobernuaren prentsa oharrak jakitera ematen duenez, momentu horietan errepidean suertatzen diren erabiltzaileek bi aukera izanen dituzte: trafikoa berriz hasi arte itxaron edo Belateko errepide zaharretik joan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun