Hezkuntza publikoaren aldeko protestak eginen dituzte Beran, Elizondon eta Donezteben asteazkenean

Ttipi-Ttapa 2025ko ots. 15a, 10:00

Berako eta Elizondoko lanbide heziketako irakasleak Iruñean hezkuntza publikoaren aldeko mobilizazioan.

Otsailaren 19an hasita, zazpi egunez, zazpi mobilizazio iragarri dituzte Steilas, LAB, CCOO eta ELA sindikatuek eskualdeka. Bidasoaldekoa izanen da lehenbizikoa, heldu den asteazkenean, otsailaren 19an. Leitzaldeko eta Urumealdeko irakasleei, berriz, martxoaren 12rako egin diete deia. Zehazki, bi orduko lanuzteak izanen dira eta elkarretaratzeak eta asanbladak eginen dituzte.

Sindikatuak dagoeneko jakinarazi dute zein izanen diren heldu den asteazkenean eginen dituzten mobilizazioak. Elizondon Foruen plazan elkarretaratzea eginen dute 09:15ean eta ondotik asanblada 09:30ean Lanbide Eskolan

Bortzirietan Beran elkartuko dira eta elkarretaratzea eginen dute 09:15ean Mukixu zubian. Handik, Toki Ona institutura joanen dira eta asanblada eginen dute 09:30ean.

Malerrekan aldiz, elkarretaratzea Doneztebeko San Miguel eskola aitzinean eginen dute 09:15ean eta asanblada eskolan 15 minutu beranduago.

Hezkuntza

Erlazionatuak

Hezkuntza publikoaren alde, eskualdeka zazpi lanuzte antolatu dituzte sindikatuek

Ttipi-Ttapa ots 12 Mendialdea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun