Eskualdeko erronkak
- Etxebizitza: eskaintza faltak eta prezio altuek larriki baldintzatzen dute biztanleria eskualdean finkapena, bereziki gazteak.
- Zahartzea: sortze tasaren beherakadak biztanleria zahartzea dakar, eta horrek arriskuan jartzen du belaunaldien arteko erreleboa.
- Zaintzak: ondorioz, adinekoen zaintza arazo komunitario bihurtu da, eta langile eta baliabide espezializatuak behar ditu.
- Emigrazioa/Immigrazioa: bizi baldintza egokirik ezak populazioaren galera progresiboa eragiten du, eta galera hori ez da konpentsatzen biztanle berrien etorrerarekin.
- Mendien hondamena: baserritarren zahartzeak eta erreleborik ezak baserriko jarduerak pixkanaka jaustea ekarri du, eta horrekin mendi eta larreetan sasiak nagusitzea eta sute arriskua handitzea.
- Araudien oztopoak: arazo nagusi batzuk konpontzeko jardun posibleak iraganeko araudiek baldintzatzen dituzte, oraingo egoera aintzat hartzen ez duten araudiak.
- Eskualdeko mugikortasuna: eskualdeko garraiobide kolektiboen faltak eskualdeko nortasuna eraikitzeko behar den biztanleen arteko harremana eta ezagutza trukea baldintzatzen du.
- Gazteak atxikitzea: ekintzailetzarako eta aisialdiaren bidezko harremanetarako pizgarririk ez izateak, belaunaldi erreleborako gazteak atxikitzea baldintzatzen du.
- Eskualdekatzea: eskualdeko erakunderik eta planik ez dagoenez, arazoak batera identifikatu eta irtenbide kolektiboak bilatzea baldintzatzen du.
Erronka globalak
Eskualdeko erronkei ingurune global handien garapena baldintzatzen duten erronkak gainjartzen zaizkie, etorkizuneko garapenean ere eragin erabakigarria baitute. Horien artean, hauek dira nagusiak:
- Trantsizio digitala: aurrerapen teknologikoek gure bizitzaren alderdi guztietan eragiten dute, eta nahitaezko baldintza dira edozein garapen sozioekonomikotarako.
- Trantsizio ekologikoa: ekoizpen modu lineal batetik datozen isurketekin zabor toxikoz bete zaizkigu lurra eta itsasoa, eta, nahitaezkoa, ezinbestekoa da ekonomia zirkular berri baterantz igarotzea.
- Trantsizio geopolitikoa: agertoki global nagusia aldatu egin da ardatz atlantikotik Ozeano Barera, eta horrek Europa munduko erabakiguneetatik kanpo utzi du, lehiakortasuna berreskuratzeko inbertsio handiak egitera behartuz.
- Osasun mentala: giza bizitzaren hainbat eremutan gertatzen ari diren aldaketa bizkorrek osasun mentaleko arazo larriak eragiten ari dira gure gizartean, eta arazo horiek arazo fisikoak eragiten dituzte, eta zalantza berrien ondorioz, ziurgabetasunak arintzeko terapia berrien beharra azaleratu dute.
Nafarroako erantzuna
Foru Komunitateak, Europar Batasunaren ildotik, espezializazio estrategia bat garatu du, Nafarroa produkzio sektore jakin batzuetan kokatzeko, hala nola Osasunean, Nekazaritzako elikagaietan, Energia berriztagarrietan, Turismo iraunkorrean, Ikus-entzunezkoen sektorean eta Mugikortasun iraunkorrean. Nafarroako estrategiaren ildotik, Baztan-Bidasoko Eskualdea Aktibatzeko Plana sektore horietako batean edo batzuetan kokatu beharko da.
Baztan-Bidasoko baliabideak
Ingurune berrietan lehiatzeko eta eskualdeko erronkei aurre egiteko, Baztan-Bidasoak baliabide garrantzitsuak ditu, hala nola: Natura oxigenatua, nekazaritzako elikagaien eta gastronomiaren ospea, oraindik ere zainduta dagoen kultura eta industria, merkataritza eta turismo arloko enpresa baliabideak, ia erabateko enplegua sortzen dutenak. Hala ere, zahartzeak, etxebizitzarik ezak, talentu ihesak eta sektore batzuekiko mendekotasunak nolabaiteko geldialdia eta gainbehera ekonomikoa eragiten ari dira
