«Antolaketan ibili diren edo ibiliko diren Euskal Herri osoko boluntarioak, euskara elkarteetako kideak, herritarrak eta teknikariak» bildu ziren irailaren 26an Eibarren, «herritarren aktibaziorako modu eta molde berrien proposamenak» aditzeko. Izan ere, Euskaraldiaren antolatzaileek nabarmendu bezala, «herrietako mugimendurik gabe ez da Euskaraldirik posible izanen». Bide beretik, Euskara aktibatzaileen gida-liburua ere aurkeztu zuten, «Euskaraldia antolatu eta herriz herri herritarrak saretzeko gida praktikoa».
Herrien izen-ematea zabalik
Herriek dagoeneko Euskaraldian izena ematen ahal dute, ariketa tokian toki antolatzen hasteko. Aitzineko adizioetan «laurehunetik goiti herritan antolatu zen ariketa». Eta laugarren edizio honi begira, «antolatzen hasteko» deia egin dute, «batu eta osatu batzordea, eman izena Euskaraldian!». Euskaraldia.eus atarian ematen ahal dute herriek izena.
Norbanakoen txanda, berriz, 2025eko martxoan izanen da; orduan izanen dute belarriprest eta ahobizi guztiek Euskaraldian izena emateko aukera.