Traktoreak hartuta, gaur ere errepidera atera dira abeltzainak eta nekazariak

Atzo 30-40 abeltzainek eta nekazarik bat egin zuten mobilizazioarekin eta erantzunarekin kontent gelditu ziren deitzaileak. Horrek, aldi berean, hainbat eragozpen sortu zituen N-121-A errepideko trafikoan eta honela mintzatu ziren TTIPI-TTAPArekin: «Sentitzen dugu honetara ailegatu behar izatea eta biztanleriarengan eragiten ahal duen molestia, baina momentuz harrera nahiko ona du eta jendeak ulertzen du».

Sei puntuko aldarrikapen zerrenda dute mahai gainean:

1. Inportatutako produktuentzat osasun, ingurumen eta gizarte berme berberak eskatzea.

2. Burokrazia murriztea.

3. NPBtik jasotzen duten diru kopurua ez dadila murriztu, baizik eta mantendu eta eguneratu dadila egungo beharren arabera.

4. Nekazaritzako gizarte segurantzako kuota jaistea.

5. Elikagaien Katearen Legea betetzea.

6. Belaunaldi aldaketarako Europako plana, elikagaien hornidura bermatzeko.