Alde batetik, «inportatutako produktuentzat osasun, ingurumen eta gizarte berme berberak» eskatu dituzte, baita «burokrazia murriztea» ere. Gisa berean, NPBtik hartzen duten «diru kopurua ez dadila murriztu» exijitu dute, kontrakoa, hain zuzen, «mantendu eta eguneratu dadila egungo beharren arabera».
Gaur errepidera atera diren abeltzainen eta nekazarien laugarren aldarrikapena «nekazaritzako gizarte segurantzako kuota jaistea» izan da eta bosgarrena «Elikagaien Katearen Legea betetzea». Horrekin batera, belaunaldi aldaketarako «Europako plana» eskatu dute, gisa horretara, «elikagaien hornidura bermatzeko».
Adierazi dutenez, «sentitzen dugu honetara ailegatu behar izatea eta biztanleriarengan eragiten ahal duen molestia, baina momentuz harrera nahiko ona du eta jendeak ulertzen du».
