N-121-A

Bukatu dituzte Oronoz-Mugairi eta Arrigazteluko tunelaren artean N-121-A errepidea 2+1 bihurtzeko obrak

Ttipi-Ttapa 2023ko aza. 28a, 19:00

Egindako obren errepasoa egin zuten atzo Oscar Txibite Lurralde Kohesiorako kontseilariak eta Pedro López Herri Lan eta Azpiegituren zuzendari nagusiak, Baztan eta Malerrekako hainbat udal ordezkarien aitzinean.

Nafarroako Gobernuko ordezkariek jakitera eman dutenez, Oronoz-Mugairiko biribilgunean hasi eta Sunbillan Arrigazteluko tunelera arte egin dituzten obrak 21 milioi euro inguru kosta dira, BEZa barne. 11,5 kilometroko luzera duen zati hori 2+1 bihurtzeaz gain, lau biribilgune egin dituzte: Oronoz-Mugairikoa, Doneztebe eta Sunbilla artean IAT ondokoa eta Sunbillako bi sarrera-irteeretakoak.

Lau biribilgune, horietatik hiru lehen ez zeudenak

Astelehenean Lurralde Kohesiorako kontseilariak eta Herri Lan eta Azpiegituren zuzendari nagusiak egin duten bisitarekin, obrak ofizialki bukatutzat eman dituzte. Errepide zati horretako erreiak 2+1 sistemara egokitu eta bi noranzkoak bereizteko hesi metalikoak paratzeaz gain, aipagarri dira egin dituzten lau biribilguneak: lehenbizikoak Oronoz-Mugairiko sarbidea eta N-121-A eta N-121-B errepideen elkargunea antolatzen ditu, lehendik zegoena nabarmen hobetuz. Eta bertze hiru biribilguneak arrunt berriak dira: IAT-ITV parekoa eta Sunbillako biak.

Oronoz-Mugairiko biribilgunea.

Doneztebe eta Sunbilla artean IAT ondoko biribilgunea.

Sunbillatik Doneztebe aldeko biribilgunea.

Sunbillatik Berrizaun aldeko biribilgunea.

Gizartea Baztan Malerreka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun