Aritz Juanenea saldiastarrak eta Endika Barrenetxea hernaniarrak buruz buruko erremonte txapelketako finalerako txartela jokoan izanen dute irailaren 2an Hernaniko Galarretan jokatuko den finalerdian. Larunbatean 15:30ean hasiko den jaialdiko bigarren partida izanen da. Irabazleak Ansa II.a izanen du arerio azken partidan
Lehenbiziko partidan, Segurola eta Martirena, Aldabe eta Azpirozen kontra ariko dira eta hirugarrenean, Goizuetako bi atzelariak izanen dira aurrez aurre. Oier Apezetxea Goikoetxea V.arekin ariko da eta Aritz Zubiri Loitegirekin.
Buruz buruko finalerdiari dagokionez, irabazleak Ansa II.a izanen du esperoan eta finalerako txartelak salgai jarri ditu dagoeneko Oriamendik.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
