Martxoaren 8a Bortzirietan
- Igantzin elkarretaratzea 12:00etan herriko etxeko atarian eta 19:00etan elkarretaratze girotua herrian barna, herriko etxetik abiatuta.
- Arantzan elkarretaratzea 12:00etan plazan.
- Etxalarren elkarretaratzea eta giza-kate girotua 19:00etan.
- Lesakan 18:00etan kafe tertulia plazan eta 20:00etan elkarretaratzea plazan.
- Beran elkarretaratzea 20:00etan Mukixu zubian.
Martxoaren 8a Leitzaldean eta Urumealdean
- Leitzan elkarretaratzea 19:00etan plazan.
- Areson elkarretaratzea 19:30ean Plaza Zaharrean.
- Aranon elkarretaratzea 19:00etan eta ondoren emakumeen afaria.
- Goizuetan Zapalkuntzarik gabeko mundu baten alde, batu borrokara! lelopean kalejira eginen dute 18:00etan plazatik abiatuta. Ondotik, txokolate jatea izanen dute plazan eta 20:15ean emakumeen afaria elkartean.
Martxoaren 8a Baztanen
- Elizondon, Antolakuntza feministarik gabe, eraldaketarik ez! lemapean 19:00etan plazan bilduko dira.
Martxoaren 8a Malerrekan
- Donezteben, 16:15etik aitzinera eskulanak, musika, tortillak… izanen dituzte eskolako aterpean. 18:00etan, berriz, La Farruka Batukada taldearekin kalejira eginen dute, eskolatik abiatuta biribilguneraino. Bertan, kontzentrazioa eginen dute 18:30ean.
Martxoaren 8a Xaretan
- Urdazubiko udaletxearen aitzinean elkarretaratzea eginen dute 18:00etan.
Ondoko egunetako hitzorduak
Bortzirietan
- Lesakan, larunbatean, emakumeen afaria eta martxoaren 14an Elkar zainduz, zaintza eskubide kolektiborantz saioa Emagin elkartearen eskutik. 18:00etan Koskonta Bideko aretoan bilduko dira.
- Arantzan, Bortzirietako Emakumeen XIII. Mendi Martxa, 09:00etan Arantzako plazatik abiatuta. Ondotik, 14:00etan, bazkaria.
- Igantzin Amatasunak feminismotik solasaldia 18:00etan herriko etxeko goiko solairuan.
Leitzaldean eta Urumealdean
- Leitzan, martxoaren 12an, igandea, Hoy puede ser mi gran noche antzerki emanaldia izanen da 19:00etan Herri Aretoan. Sarrerak salgai daude leitza.eus atarian 7 eurotan eta egunean ere leihatilan 8 eurotan eskuratzen ahalko dira.
- Lañaidek talde feministak antolatua autodefentsa tailerraren bi saio egitekoak dituzte. Martxoaren 3an egin zuten lehenbizikoa eta 31n bigarrena eginen dute.
Baztanen
- Martxoaren 9an, ortzeguna, Lodifobia eta estetikaren esklabotza solasaldia izanen dute Elizondoko Arizkuneneko hitzaldi aretoan 18:30ean Mijo Lizarzabururen eskutik.
- Martxoaren 17an, ortziralea, Ainarak dokumentala proiektatuko dute Iruritako Gizarte Bilgunean 19:00etan.
Malerrekan
- Donezteben, ortzegunean, martxoaren 9an, jolas tailerra izanen da Herrigunean 17:00etatik 19:00etara. 16-99 urte bitarteko emakumeei zuzendua egonen da eta izena emateko 641 58 99 08 telefonora idatzi beharko da Whatsapp bidez. Azkenik, 19:00etan Printzexa klown bakarrizketa izanen da Herrigunean, Lorena Arangoaren eskutik.
- Ezkurran, mendi itzulia eginen dute larunbatean, 11:00etan abiatuta. Ondotik paella jatea eginen dute ludotekan.