Ados pilota elkarteak bigarren urtez antolatutako eskuz binakako pilota txapelketaren lehen jardunaldia jokatu zuten larunbatean Berako Eztegara pilotalekuan. Lehen mailan, ia ordubeteko partida jokatu zuten eta Goiuri Zabaletak eta Agirrek 22-14 irabazi zieten Irantzu Etxebeste beratarrari eta Capellani.
Promozio mailako partidari dagokionez, Ibarrolak eta Insaustik 22-6 irabazi zieten Aranburu eta Perezi.
Igandean Latasan
Igandean Latasan jokatutako bigarren jardunaldian, lehen mailako partida jokatu zuten eta hau oraindik estuagoa izan zen. Azkenean, Barrocalek eta Ruiz de Larramendik 22-21 irabazi zieten Aldaregia eta Mendibururi. Ados pilota eskolako txikiak ere aritu ziren.
