Koronabirusa

Gaur hasi dira Covid-19arendako bigarren oroitzapen dosia jartzen

Ttipi-Ttapa 2022ko ira. 26a, 20:15

Ana Ariztegi Etxenike beratarra, Osasunbideko Zaintza, Etxeko Arreta eta Gizarte eta Osasuneko zuzendariordea

Zahar etxeetako egoiliarren, mendekotasun handia duten pertsonen, adin handikoen, osasun eta gizarte langile soziosanitarioen eta osasun aldetik arrisku handia dutenen txertaketa abiatu dute gaur. Bi txerto emanen dizkiete aldi berean: gripearena eta Covid-19arena. Azken honek babes handiagoa izanen du Covid-19ak dituen aldaera berrietarako.

Adin handieneko taldeak lehenetsiz, SMS mezuak bidaltzen hasi dira gaur

Lehen ere egin izan duten bezala, oraingoan ere hitzordua Internet bidez kudeatuko dute, ahal dela, Osasuneko Karpeta Pertsonalaren bidez, www.citasalud.navarra.es estekan sartuta. Behin webgunera sartuta eta pertsona behar bezala identifikatu ondotik, 'Hitzorduak' dioen erlaitza hautatu behar da, eta, ondotik, 'COVID-19 txertoa' atala sakatu. Hor, kanpaina honetako txerto bikoitzerako agenda agertuko da. Nolanahi ere, SMSa oraindik ez baldin bada hartu, zitazioa ibilbide beretik ere eskura daiteke (betiere xede-biztanleriaren barnean egon eta txertoa emateko gomendioak betetzen baldin badira).

Gainera, e-Postaz ere egin daiteke citas.vacunacion@navarra.es helbidean edo telefono bidez: 948 370 130 Iruñeko Osasun Barrutirako.

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun