Xanti Uterga doneztebarra eta Agirrezabala dira aurtengo Nafarroako XVII. Erremonte txapelketako lehen finalistak, abuztuaren 15ean Agoitzen jokatutako finalerdian Zeberio II.ari eta Aimar Saldias oiztarrari 35-29 irabazi ondotik. Bihar bigarren bikote finalista erabakiko da, Eloi Otxandorena doneztebarrak eta Otanok Matxin III.aren eta Ionen aurka jokatuko duten partidan.
Ilunberriko pilotalekuan jokatuko da partida eta 19:30ean hasiko da jardunaldia. Lehenik, Atarrabiako eskolako Jabalera eta Baztan Agoizko eskolako Oses eta Saldiasen kontra. Ondotik finalerdia jokatuko da, abuztuaren 27an Zubirin jokatuko den finaleko bigarren bikotea erabakitzeko.
