Eskualdeko hemezortzi udal eta hiru mankomunitate kaltetu zituen duela bi aste pasatxo izandako zibererasoak. Geroztik, beraien webguneak eta posta elektronikoko zerbitzuak erabili ezinik ibili dira eta herritarrekiko harremana bertze bide batzuetatik bideratu behar izan dute.
ANIMSA enpresa publikoko arduradunek jakinarazi dutenez, «zerbitzu horiek bere onera» ekartzen ari dira pixkanaka eta erakunde gehienen posta elektroniko zerbitzua erabilgarri dago dagoeneko, baita zenbait webgune ere. Beti ere segurtasuna bermatzeko helburuarekin, urratsez urrats egiten ari dira normaltasunerako bidea.