Lyme gaixotasunak eragindako ospitaleratzeak % 363 igo dira Nafarroan azkeneko 15 urteotan

Kaparrek gizakiei eta animaliei transmititzen dieten bakterio batek eragindako patologia infekziosoa da Lyme gaixotasuna. Bada, azken 15 urteetan % 363 igo da Nafarroan Lyme gaixotasunak eragindako ospitaleratzeen kopurua. Gaixotasun honek hasieran sukarra, buruko mina eta nekea eragiten ditu, baina goiz tratatzen ez bada, infekzioa artikulazioetara, bihotzera eta nerbio-sistemara zabal daiteke.

Maiatzaren 17an zen Lyme gaixotasunaren Nazioarteko Eguna, eta 2005-2019 aldiko bilakaera aztertu ondotik eman du datua Madrilgo Carlos III.a Osasun Institutuko Epidemiologia Zentro Nazionalak.

Ikerketa horren arabera, azken 15 urteetan (2005-2019) 1.865 paziente ospitaleratu ziren Espainian Lyme gaixotasunarengatik, hau da, 191,8 paziente gehiago aurreko epearekin konparatuz gero, eta batez bertzeko ospitaleratze-tasa 0,28koa izan zen 100.000 biztanleko.

Sexuen arabera, gaixo gehienak gizonezkoak (% 58,71) eta 65 urtetik gorakoak (% 34,48) izan ziren. Aurkezpen kliniko ohikoena neurologikoa izan zen.

Adituek gorakada orokorra ikusi dute autonomia-erkidego guztietan, baina batzuetan bertzetan baino gehiago. Hazkunderik handienak Nafarroan (% 363), Katalunian (% 268), Euskadin (% 232) eta Murtzian (% 238) erregistratu dituzte, ikerketa horren arabera betiere.
Erlazionatuak

Lehen baino kapar gehiago dago gure mendietan, urtetik urtera negu motzagoak eta epelagoak direlako

Mendialdea

Dermacentor marginatus latinez, Euskal Herrian kapar, gapar, lakasta, lakain, akain, artapo… deitzen zaio, tokiaren arabera (ikusi beherago ...

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun