«Guk ez dugu inolako diferentziarik sumatuko»
Halaxe dio Bortzirietako osasun eremuko zuzendariak. Gonzalezek TTIPI-TTAPAri adierazi dioenez, «gure eskualdera ez datoz 7 mediku gehiago, interinoek betetzen dituzten 7 lanpostu orain jabetzan esleituko dira, bertzerik ez». Eta Gonzalezek iritzian egoera berri horrek, gainera, «ez du segurtatuko lanpostua jabetzan hartuko duten profesional horiek hemen gelditzeko asmoarekin etorriko direnik. Litekeena da –dio Gonzalezek– urte bat pasatu eta gero mediku horrek lekualdatze bat eskatzea, eta hemen lehengo egoeran egotea berriz ere».
Beran, egun erdirako pediatra lanpostuak bete gabe segitzen du
Bete gabe segitzen du, oraingoz, egun erdirako pediatra lanpostuak. Txibiteren gobernuak «hainbat hobekuntza agindu zituen» dio Gonzalezek, baina «denbora badoa eta egoerak ez du hobera egin».