COVID-19: Azken datuak

Bi positibo atzeman zituzten atzo gure lurraldean, Nafarroa osoan 191

Ttipi-Ttapa 2022ko mar. 30a, 06:17
Alta eta bajen balantzea egin ondotik, orain 47 daude ospitalean, horietatik 5 ZIUetan.

Bi positibo atzeman zituzten atzo gure lurraldean, bana Leitzaldean eta Malerrekan. Nafarroa osoko behin-behineko datuei erreparatuta, berriz, atzo 191 positibo atzeman zituzten. Herenegun, martxoak 28, lau pertsona ospitaleratu zituzten, ospitaleratuta zeudenetatik inor ez zuten ZIUan sartu baina bi gaixo hil ziren.

Gure lurraldean pandemiaren hasieratik metatutako positiboak errepasatuz gero, azkeneko datuen arabera 1.960 dira Doneztebeko osasun eremuan (Malerreka+Bertizarana) atzeman dituztenak, 2.747 Elizondoko eremuan (Baztan+Urdazubi+Zugarramurdi), 1.694 Leitzako eremuan (Arano+Areso+Goizueta+Leitza) eta 2.948 Bortzerrietan.

Nafarroa osoko datuei dagokionez, herenegun, martxoak 28, 1.530 proba egin zituzten eta horietatik 276k positibo eman zuten.

COVID-19ak jota, herenegun, martxoak 28, lau pertsona ospitaleratu zituzten, ospitaleratuta zeudenetatik inor ez zuten ZIUan sartu baina bi gaixo hil ziren. Alta eta bajen balantzea egin ondotik, orain 47 daude ospitalean, horietatik 5 ZIUetan.

Birusak eragindako infekzioen intzidentzia metatuari dagokionez, 206.803 pertsonakoa da, eta heriotza kopurua 1.451koa.
 
Nafarroan 1.416.288 txerto eman dituzte oraingoz. Atzo, martxoak 29, 376 txerto paratu zituzten eta, oraingoz, 566.835 pertsonek osatua dute txertaketa eta hirugarren dosia bertze 350.446 pertsonek hartu dute.

Zalantza txikienarekin antigeno testa egitera joan eta PCRa egiteko orduan ez hutsik egin

Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun