Zer da HeliNET?
Batez ere muga eremuetan gerta litezkeen larrialdi, emergentzia, erreskate eta hondamendiko egoeretan elkarri laguntzeko misioak batera kudeatzeko sortu eta antolatu dute HeliNET, eta izenak iradokitzen duen bezala, eginkizun horietan helikopteroen erabilera bultzatzen dute.
Gaur goizeko simulazioaren nondik norakoak
Merkantzia arriskutsuak garraiatzen zituen kamioi baten eta autobus baten arteko istripu larri bat simulatu dute gaur goizean Dantxarinean. Itxurazko istripu larri horren ondorioz 4 hildako, 6 zauritu larri eta 10 zauritu arin erreskatatzea zen egin beharreko ariketa praktikoa.
Ariketan 65 pertsonak baino gehiagok parte hartu dute, bai plangintzan, behaketan eta kudeaketan. Nafarroako Gobernuaren aldetik, Babes Zibileko teknikariak, Suhiltzaileak, Foruzaingoa, Ospitalez Kanpoko Larrialdi Zerbitzuko eta Lehen Mailako Arretako (Urdazubiko Osasun Zentroa) langileak, figuranteak (Nafarroako Osasun Eskola Teknikoaren itxurak eginez) eta boluntarioak aritu dira biktimei arreta emateko; Pirinio Atlantikoetatik eta Euskal Autonomia Erkidegotik, berriz, SAMU64A eta Osakidetzako Larrialdietako profesionalek hartu dute parte, hurrenez hurren.
Dantxarineko Venta Peio ondoko zelaian karpa bat paratu dute. Postu horretatik, osasun-langileek biktimak artatu dituzte, eta helikopteroz edo anbulantziaz ebakuatzeko prestatu dituzte.
Nafarroan bortz heliazalera prestatu dituzte
