2022/2023ko ikasturtean jardunaldi jarraitua ezartzen ahalko duten ikastetxeen zerrenda onartu du Nafarroako Gobernuko Hezkuntza Departamentuak, haien artean hainbat gure eskualdekoak:
Baztan
- Almandozko eskola
- Arraiozko eskola
- Azpilkuetako eskola
- Elizondoko eskola
- Erratzuko eskola
- Gartzaingo eskola
- Iruritako eskola
- Lekarozko eskola
- Oronozko eskola
- Zigako eskola
Hortaz, Amaiurko eta Arizkungo eskolek, eta Baztan Ikastolak jardunaldi zatitua izanen dute heldu den ikasturtean.
Bertizarana
- Legasako eskola
Narbarteko eskolan jardunaldi zatitua izanen dute.
Bortziriak
- Etxalarko Landagain eskola
- Lesakako Tantirumairu ikastola
Arantzako, Berako Ricardo Baroja, Igantziko eta Lesakako Irain eskoletan jardunaldi zatitua izanen dute, baita Berako Labiaga Ikastolan eta Jesusen Bihotza ikastetxean ere.
Leitzaldea-Urumealdea
- Aresoko Nazabal eskola
- Goizuetako Andres Narbarte Xalto eskola
- Leitzako Erleta eskola
Ikastetxe guztiek egin dute jardunaldi jarraituaren alde.
Malerreka
- Doneztebeko San Miguel eskola
- Iturengo Pulunpa eskola
- Saldiasko eskola
- Sunbillako eskola
Xareta
- Zugarramurdi eta Urdazubiko eskola.
Ikastetxe guzti hauek galdeketa egin zuten joan den urteko abenduan eta jardunaldi jarraituaren aldeko gehiengoa lortu zuten. Hezkuntza Departamentuak zentroek aurkeztutako proiektuak aztertu ditu eta baldintza guztiak betetzen dituztela ziurtatuta, jardunaldi aldaketa onartzea erabaki du. Orain, Nafarroako Gobernua jardunaldi zatitua, jarraitua eta malgua erregulatzeko arau foralaren idazketan ari da.