COVID-19: Azken datuak

Zazpi positibo atzeman zituzten atzo gure lurraldean, 182 Nafarroa osoan

Ttipi-Ttapa 2022ko mar. 1a, 06:29
Atzo, otsailak 28, zortzi pertsona ospitaleratu zituzten, ospitaleratuta zeudenetatik inor ez zuten ZIUan sartu eta ez zen inor hil

Zazpi positibo atzeman zituzten atzo gure lurraldean, hiru Baztanen, bi Malerrekan eta bana Leitzaldean eta Bortzerrietan. Nafarroa osoko behin-behineko datuei erreparatuta, berriz, atzo 182 positibo atzeman zituzten. Atzo, otsailak 28, zortzi pertsona ospitaleratu zituzten, ospitaleratuta zeudenetatik inor ez zuten ZIUan sartu eta ez zen inor hil.

Gure lurraldean pandemiaren hasieratik metatutako positiboak errepasatuz gero, azkeneko datuen arabera 1.900 dira Doneztebeko osasun eremuan (Malerreka+Bertizarana) atzeman dituztenak, 2.698 Elizondoko eremuan (Baztan+Urdazubi+Zugarramurdi), 1.643 Leitzako eremuan (Arano+Areso+Goizueta+Leitza) eta 2.834 Bortzirietan.

Nafarroa osoko datuei dagokionez, atzo, otsailak 28, 1.565 proba egin zituzten eta horietatik 182k positibo eman zuten.

COVID-19ak jota, atzo, otsailak 28, zortzi pertsona ospitaleratu zituzten, ospitaleratuta zeudenetatik inor ez zuten ZIUan sartu eta ez zen inor hil. Alta eta bajen balantzea egin ondotik, orain 102 daude ospitalean, horietatik 9 ZIUetan.

Birusak eragindako infekzioen intzidentzia metatuari dagokionez, 200.123 da, eta heriotza kopurua 1.429koa.
 
Nafarroan 1.395.775 txerto eman dituzte oraingoz. Atzo, otsailak 28, 1.293 txerto paratu zituzten eta, oraingoz, 556.673 pertsonek osatua dute txertaketa eta hirugarren dosia bertze 341.082 pertsonek hartu dute.

Zalantza txikienarekin antigeno testa egitera joan eta PCRa egiteko orduan ez hutsik egin

Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.

 

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun