Espainiako Osasun Batzordeak iritzia aldatu du; urtarrilaren hasieran birusa pasatu dutenek lau aste itxaron behar zuten hirugarren dosia hartzeko, orain, aldiz, bortz hilabete itxarotea gomendatu dute. Izan ere, lau asteko epea laburregia dela argudiatu dute zientzialariek, eta bilatzen duen helburuaren kontrakoa ekar dezakeela.
Osasun Ministerioko adituek eta autonomia erkidegoetako ordezkariek osatzen dute Osasun Batzordea, eta adierazi dutenez, hirugarren dosiak gorputzaren erantzuna indartzen du eta aldaera berriei aurre egiteko gaitasuna errazten du.