Koronabirusa

Nafarroan urtarrilaren 31ra arte luzatu dira COVID-19aren kontrako neurri murriztaileak

Ttipi-Ttapa 2022ko urt. 12a, 19:00
Ostalaritzan eta diskoteketan ez ezik, ziurtagiria zahar etxeetan, gimnasioetan eta hoteletan ere eskatuko da.

Nafarroako Auzitegiak ontzat eman ditu Foru Gobernuak proposatutakoa eta urtarrilaren 31ra arte luzatuko dira herrialdean neurri murriztaileak. Neurri horien arabera, ostatuek eta dantzalekuek 01:00etatik 06:00etara itxi beharko dute, eta ziurtagiria zahar etxeetan, gimnasioetan eta hoteletan ere eskatuko da.

Urtarrila eta otsaila «korapilatsuak» izanen direla iragarri du Santos Indurain Osasun kontseilariak: «Kutsatuen intzidentzia handia izan arren, ez dator bat ZIUetan eta ospitaletan dauden pertsonekin». Horrez gain, adituek diotena entzun eta «zuhurtasun handiz» jokatu behar dela azpimarratu du.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun