COVID-19: Azken datuak

90 positibo atzeman zituzten atzo gure lurraldean, Nafarroa osoan 2.021

Alta eta bajen balantzea egin ondotik, Nafarroan orain 227 daude ospitalean, horietatik 30 ZIUetan.

Atzo 90 positibo atzeman zituzten gure lurraldean: 31 Baztanen, 29 Bortzerrietan, 21 Malerreka-Bertizaranan, eta 9 Leitzaldea-Urumealdean. Nafarroa osoko datuei erreparatuta, berriz, atzo 2.021 positibo atzeman zituzten. Atzo, urtarrilak 8, 25 pertsona ospitaleratu zituzten, ospitaleratuta zeudenetatik 5 ZIUetan sartu zituzten eta hiru hil egin ziren.

Gure lurraldean pandemiaren hasieratik metatutako positiboak errepasatuz gero, azkeneko datuen arabera 1.329 dira Doneztebeko osasun eremuan (Malerreka+Bertizarana) atzeman dituztenak, 1.936 Elizondoko eremuan (Baztan+Urdazubi+Zugarramurdi), 1.193 Leitzako eremuan (Arano+Areso+Goizueta+Leitza) eta 2.102 Bortzirietan.

Nafarroa osoko datuei dagokionez, atzo, urtarrilak 8, 3.911 proba egin zituzten eta horietatik 2.021 positibo eman zuten (% 51,7)

COVID-19ak jota, atzo, urtarrilak 8, 25 pertsona ospitaleratu zituzten, ospitaleratuta zeudenetatik 5 ZIUetan sartu zituzten eta hiru hil egin ziren. Alta eta bajen balantzea egin ondotik, orain 227 daude ospitalean, horietatik 30 ZIUetan.

Birusak eragindako infekzioen intzidentzia metatuari dagokionez, 147.880 pertsonakoa da, eta heriotza kopurua 1.306koa.
 
Nafarroan 1.251.060 txerto eman dituzte oraingoz. Atzo, urtarrilak 8, 3.877 txerto paratu zituzten eta, oraingoz, 540.322 pertsonek osatua dute txertaketa eta hirugarren dosia bertze 219.090 pertsonek hartu dute.

Zalantza txikienarekin antigeno testa egitera joan eta PCRa egiteko orduan ez hutsik egin

Helburua ahalik eta kutsadura gehien atzematea da, bereziki harreman sozialak eta familiarrak areagotzen diren garai hauetan. 

Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun