COVID-19: Azken datuak

Atzo ere 33 positibo atzeman zituzten gure lurraldean, baina Nafarroa osoan 564 izan ziren

Ttipi-Ttapa 2021ko abe. 2a, 06:49
Bezperan bezala 33 positibo atzeman zituzten atzo err eskualdean, baina Nafarroan 564 izan ziren.

Atzo 33 positibo atzeman zituzten gure lurraldean, herengun bezala: hamazazpi Bortzirietan, zazpi Baztanen, lau Malerrekan, hiru Zugarramurdin eta bi Leitza-Goizuetan. Nafarroa osoko behin-behineko datuei erreparatuta, berriz, atzo 564 positibo atzeman zituzten, aspaldiko hilabeteetako daturik altuena eta bezperan baino 150 gehiago. Atzo, abenduak 1, sei pertsona ospitaleratu zituzten, ospitaleratuta zeudenetatik bat ZIUan sartu zuten eta ez zen inor hil.

Gure lurraldean pandemiaren hasieratik metatutako positiboak errepasatuz gero, azkeneko datuen arabera 785 dira Doneztebeko osasun eremuan (Malerreka+Bertizarana) atzeman dituztenak, 1.097 Elizondoko eremuan (Baztan+Urdazubi+Zugarramurdi), 685 Leitzako eremuan (Arano+Areso+Goizueta+Leitza) eta 1.451 Bortzirietan.

Nafarroa osoko datuei dagokionez, atzo, abenduak 1, 4.187 proba egin zituzten eta horietatik 564k positibo eman zuten (% 13,5)

COVID-19ak jota, atzo, abenduak 1, sei pertsona ospitaleratu zituzten, ospitaleratuta zeudenetatik bat ZIUan sartu zuten eta ez zen inor hil. Alta eta bajen balantzea egin ondotik, orain 87 daude ospitalean, horietatik 14 ZIUan.

Birusak eragindako infekzioen intzidentzia metatuari dagokionez, 89.914 pertsonakoa da, eta heriotza kopurua 1.261ekoa.
 
Nafarroan 1.099.948 txerto eman dituzte oraingoz. Atzo, abenduak 1, 3.611 txerto paratu zituzten eta, oraingoz, 530.740 pertsonek hartu dituzte bi dosiak.

Zalantza txikienarekin antigeno testa egitera joan eta bigarren PCRa egiteko orduan ez hutsik egin

Helburua ahalik eta kutsadura gehien atzematea da, bereziki harreman sozialak eta familiarrak areagotzen diren garai hauetan. 

Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.

 

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun