COVID-19: Azken datuak

Atzo 33 positibo atzeman zituzten gure lurraldean, Nafarroa osoan 408

Ttipi-Ttapa 2021ko abe. 1a, 06:35
Deskargatu Info Ahotsak :
es en fr

Aspaldian gainditu gabeko 400 positiboen langa gainditu zen atzo Nafarroan. Horietatik 33 eskualdean izan ziren.

Atzo 33 positibo atzeman zituzten gure lurraldean: hamalau Bortzirietan, bederatzi Goizueta-Aranon, sei Baztanen eta lau Donezteben. Nafarroa osoko behin-behineko datuei erreparatuta, berriz, atzo 408 positibo atzeman zituzten, aspaldiko hilabeteetako daturik altuena. Atzo, azaroak 30, 15 pertsona ospitaleratu zituzten, ospitaleratuta zeudenetatik bi ZIUan sartu zituzten eta ez zen inor hil.

Gure lurraldean pandemiaren hasieratik metatutako positiboak errepasatuz gero, azkeneko datuen arabera 782 dira Doneztebeko osasun eremuan (Malerreka+Bertizarana) atzeman dituztenak, 1.087 Elizondoko eremuan (Baztan+Urdazubi+Zugarramurdi), 683 Leitzako eremuan (Arano+Areso+Goizueta+Leitza) eta 1.433 Bortzirietan.

Nafarroa osoko datuei dagokionez, atzo, azaroak 30, 4.090 proba egin zituzten eta horietatik 408k positibo eman zuten (% 10)

COVID-19ak jota, atzo, azaroak 30, 15 pertsona ospitaleratu zituzten, ospitaleratuta zeudenetatik bi ZIUan sartu zituzten eta ez zen inor hil. Alta eta bajen balantzea egin ondotik, orain 88 daude ospitalean, horietatik 14 ZIUan.

Birusak eragindako infekzioen intzidentzia metatuari dagokionez, 89.350 pertsonakoa da, eta heriotza kopurua 1.261ekoa.
 
Nafarroan 1.096.991 txerto eman dituzte oraingoz. Atzoa, azaroak 30, 2.823 txerto paratu zituzten eta, oraingoz, 530.572 pertsonek hartu dituzte bi dosiak.

Zalantza txikienarekin antigeno testa egitera joan eta bigarren PCRa egiteko orduan ez hutsik egin

Helburua ahalik eta kutsadura gehien atzematea da, bereziki harreman sozialak eta familiarrak areagotzen diren garai hauetan. 

Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.

 

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun