Nafarroan bikoiztu da hitzordurik gabe txertoa hartzera doazenen kopurua
Azken zazpi egunetan gora egin du Osasun Sailak FOREMen (Mutiloa) duen txertatze puntura txertoa hartzera joan diren pertsonen kopuruak, hitzordua hartzearen zain egon gabe. Zehazki, joan den astean 1.039 pertsona pasatu ziren instalazio horietatik, 148 egunero batez bertze. Aurreko asteetan, egunean 72 izaten ziren txertoa hartzera joaten zirenak. Bada, astelehen honetan 220 pertsona joan ziren FOREMera COVID-19aren kontrako txertoa hartzera, instalazioetako iturriek jakinarazi dutenez. Zerbitzu honetan egun batean erregistratu den kopururik handiena da, irailaren erdialdean martxan jarri zenetik.
Ildo horretan, Santos Indurain Osasun kontseilariak atzo erran zuen «albiste ona» dela hitzordurik gabeko txertoen kopurua bikoiztu izana azken astean.
Ildo horretan, Santos Indurain Osasun kontseilariak atzo erran zuen «albiste ona» dela hitzordurik gabeko txertoen kopurua bikoiztu izana azken astean.