Gogoan izan behar da Olabeko saihesbideak, eremuaren topografia kontuan hartuta, 2 km inguruko luzera izanen duela eta herriaren mendebaldetik igaroko dela, Olaiz eta Olabeko herrien artean. Bertzalde, Arraizko Bentako saihesbidea herrigunearen mendebaldetik igaroko da. Burutaingo saihesbideak, aldiz, 1,5 kilometro inguruko luzera izanen du eta N-121-A errepidean orain duen trazaduraren mendebaldean eginen da.
Hutsik gelditu da ere Nafarroako 5 errepidetan kamioientzako ordainketa-sistema diseinatu eta ezartzeko lizitazioa
Burutaingo saihesbideko obren lizitazioarekin gertatu bezala, Nafarroako bortz errepide nagusietan (A-1, A-10, A-15, A-68 eta N-121-A) kamioientzako ordainketa-sistema bat diseinatzeko eta zehazteko zerbitzu-kontratua ere hutsik gelditu da eta berriz lizitatuko du Foru Gobernuak. Behin ordainketa-sistema diseinatu eta ezarri ondotik, etorkizunean sortuko den sozietate publiko baten bidez kudeatuko litzateke.