COVID-19: Azken datuak

Atzo hamasei positibo atzeman zituzten gure lurraldean, Nafarroa osoan 198

Nafarroan zertxobait beheiti egin zuen atzo positibo kopuruak, baina eskualdean hamasei izan ziren.

Atzo hamasei positibo atzeman zituzten gure lurraldean: bortz Bortzirietan, lau Baztanen, hiru Leitzan, bi Urdazubin eta bana Goizuetan eta Iturenen. Nafarroa osoko behin-behineko datuei erreparatuta, berriz, atzo 198 positibo atzeman zituzten, azken egunetan baino gutixeago, baino 200eko langatik hurbil. Atzo, azaroak 21, zazpi pertsona ospitaleratu zituzten, ospitaleratuta zeudenetatik hiru ZIUetan sartu zituzten eta ez zen inor hil.

Gure lurraldean pandemiaren hasieratik metatutako positiboak errepasatuz gero, azkeneko datuen arabera 763 dira Doneztebeko osasun eremuan (Malerreka+Bertizarana) atzeman dituztenak, 1.029 Elizondoko eremuan (Baztan+Urdazubi+Zugarramurdi), 646 Leitzako eremuan (Arano+Areso+Goizueta+Leitza) eta 1.328 Bortzirietan.

Nafarroa osoko datuei dagokionez, atzo, azaroak 21, 1.698 proba egin zituzten eta horietatik 198k positibo eman zuten (% 11,7)

COVID-19ak jota, atzo, azaroak 21, zazpi pertsona ospitaleratu zituzten, ospitaleratuta zeudenetatik hiru ZIUetan sartu zituzten eta ez zen inor hil Alta eta bajen balantzea egin ondotik, orain 62 daude ospitalean, horietatik 11 ZIUan.

Birusak eragindako infekzioen intzidentzia metatuari dagokionez, 86.480 pertsonakoa da, eta heriotza kopurua 1.258koa.
 
Nafarroan 1.070.504 txerto eman dituzte oraingoz. Atzo, azaroak 21, 801 txerto paratu zituzten eta, oraingoz, 528.849 pertsonek hartu dituzte bi dosiak.

Zalantza txikienarekin antigeno testa egitera joan eta bigarren PCRa egiteko orduan ez hutsik egin

Helburua ahalik eta kutsadura gehien atzematea da, bereziki harreman sozialak eta familiarrak areagotzen diren garai hauetan. 

Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun