COVID-19: Azken datuak

Atzo hamar positibo atzeman zituzten gure lurraldean, Nafarroa osoan 236

Alta eta bajen balantzea egin ondotik, Nafarroan orain 55 daude ospitalean, horietatik 9 ZIUetan.

Atzo hamar positibo atzeman zituzten gure lurraldean: hiru Bortzirietan, bina Elizondon eta Narbarten, eta bana Aranon, Donezteben eta Urdazubin. Nafarroa osoko behin-behineko datuei erreparatuta, berriz, atzo 236 positibo atzeman zituzten. Atzo, azaroak 20, zortzi pertsona ospitaleratu zituzten, ospitaleratuta zeudenetatik bi ZIUetan sartu zituzten eta bat hil zen.

Gure lurraldean pandemiaren hasieratik metatutako positiboak errepasatuz gero, azkeneko datuen arabera 762 dira Doneztebeko osasun eremuan (Malerreka+Bertizarana) atzeman dituztenak, 1.024 Elizondoko eremuan (Baztan+Urdazubi+Zugarramurdi), 642 Leitzako eremuan (Arano+Areso+Goizueta+Leitza) eta 1.323 Bortzirietan.

Nafarroa osoko datuei dagokionez, atzo, azaroak 20, 2.432 proba egin zituzten eta horietatik 236k positibo eman zuten (% 9,7)

COVID-19ak jota, atzo, azaroak 20, zortzi pertsona ospitaleratu zituzten, ospitaleratuta zeudenetatik bi ZIUetan sartu zituzten eta bat hil zen. Alta eta bajen balantzea egin ondotik, orain 55 daude ospitalean, horietatik 9 ZIUan.

Birusak eragindako infekzioen intzidentzia metatuari dagokionez, 86.282 pertsonakoa da, eta heriotza kopurua 1.258koa.
 
Nafarroan 1.069.827 txerto eman dituzte oraingoz. Atzo, azaroak 20, 1.670 txerto paratu zituzten eta, oraingoz, 528.822 pertsonek hartu dituzte bi dosiak.

Zalantza txikienarekin antigeno testa egitera joan eta bigarren PCRa egiteko orduan ez hutsik egin

Helburua ahalik eta kutsadura gehien atzematea da, bereziki harreman sozialak eta familiarrak areagotzen diren garai hauetan. 

Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun