COVID-19: Azken datuak

Nafarroan 267 positibo atzeman zituzten atzo, horietatik hamar eskualdean

Alta eta bajen balantzea egin ondotik, Nafarroan orain 39 daude ospitalean, horietatik 8 ZIUan.

Atzo hamar positibo atzeman zituzten gure lurraldean: hiru Beran, bi Lesakan eta bana Donezteben, Ezkurran, Goizuetan, Narbarten eta Zugarramurdin. Nafarroa osoko behin-behineko datuei erreparatuta, berriz, atzo 267 positibo atzeman zituzten, aspaldiko daturik altuena, berrehun kutsatutakoen langatik dezente goiti. Atzo, azaroak 17, lau pertsona ospitaleratu zituzten, ospitaleratuta zeudenetatik inor ez zuten ZIUan sartu baina zeuden gaixoetatik bat hil zen.

Gure lurraldean pandemiaren hasieratik metatutako positiboak errepasatuz gero, herenegun arte 755 dira Doneztebeko osasun eremuan (Malerreka+Bertizarana) atzeman dituztenak, 1.014 Elizondoko eremuan (Baztan+Urdazubi+Zugarramurdi), 637 Leitzako eremuan (Arano+Areso+Goizueta+Leitza) eta 1.310 Bortzirietan.

Nafarroa osoko datuei dagokionez, atzo, azaroak 17, 3.041 proba egin zituzten eta horietatik 267k positibo eman zuten (% 8,8)

COVID-19ak jota, atzo, azaroak 17, lau pertsona ospitaleratu zituzten, ospitaleratuta zeudenetatik inor ez zuten ZIUan sartu baina zeuden gaixoetatik bat hil zen. Alta eta bajen balantzea egin ondotik, orain 38 daude ospitalean, horietatik 7 ZIUan.

Birusak eragindako infekzioen intzidentzia metatuari dagokionez, 85.566 pertsonakoa da, eta heriotza kopurua 1.255ekoa.
 
Nafarroan 1.061.517 txerto eman dituzte oraingoz. Atzo, azaroak 17, 4.665 txerto paratu zituzten eta, oraingoz, 528.406 pertsonek hartu dituzte bi dosiak.
 

12 urte edo gehiago dutenek online har dezakete hitzordua

12 urte edo gehiago dutenek Osasun Karpeta Pertsonalean sar daitezke eta hautatu zein toki, egun eta ordutan hartu nahi duten txertoa.

Zalantza txikienarekin antigeno testa egitera joan eta bigarren PCRa egiteko orduan ez hutsik egin

Helburua ahalik eta kutsadura gehien atzematea da, bereziki harreman sozialak eta familiarrak areagotzen diren garai hauetan. 

Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun