Artxiboko irudiak

2001eko Nafarroako Bertsolari Txapelketako finala jokatu zen Beran eta Amets Arzallusek irabazi zuen

«Bi aldiz atera eta bi txapel lortu, kontent egoteko modukoa da» zioen Arzallus txapeldunak Ttipi-Ttaparen 300. zenbakian Jon Abrilek egin zion elkarrizketan. «Bigarren txapelketa eta bigarren txapela. Txapeldun handi baten konfirmazioa da?» –galdetu zion eta… Ametsek erantzun: «Ez dakit txapeldun handi baten konfirmazioa den (…) berriz ere hala egokitu zait eta kontent egoteko modukoa da. Lehengo urtean zortea izan nuen haraino iristeko eta aurten ere bai, eta ea aurrerantzean ere horrela segitzerik izango den».

2001eko Nafarroako Bertsolari Txapelketaren finala Beran jokatu zen, Eztegara pilotalekuan. Amets Arzallusendako izan zen txapela eta ondotik sailkatu ziren Estitxu Arotzena, Xabier Silveira, Sustrai Colina, Bittor Elizagoien, Iñigo Olaetxea, Joxe Juan Zubieta «Etxabe» eta Juan Mari Lopez.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun