COVID-19: Azken datuak

Nafarroa osoan 23 positibo atzeman zituzten atzo, alerik ere ez eskualdean

Alta eta bajen balantzea egin ondotik, orain Nafarroan 24 daude ospitalean, horietatik 6 ZIUan.

Atzo ez zen positiborik atzeman gure lurraldean. Nafarroa osoko behin-behineko datuei erreparatuta, atzo 23 positibo atzeman zituzten. Atzo, urriak 21, pertsona bat ospitaleratu zuten, ospitaleratuta zeudenetatik ez zuten inor ZIUan sartu baina gaixo bat hil zen.

Gure lurraldean pandemiaren hasieratik metatutako positiboak errepasatuz gero, atzo arte 740 dira Doneztebeko osasun eremuan (Malerreka+Bertizarana) atzeman dituztenak, 1.004 Elizondoko eremuan (Baztan+Urdazubi+Zugarramurdi), 602 Leitzako eremuan (Arano+Areso+Goizueta+Leitza) eta 1.262 Bortzirietan.

Nafarroa osoko datuei dagokionez, atzo, urriak 21, 1.517 proba egin zituzten eta horietatik 23k positibo eman zuten (% 1,5)

COVID-19ak jota, atzo, urriak 21, pertsona bat ospitaleratu zuten, ospitaleratuta zeudenetatik ez zuten inor ZIUan sartu baina gaixo bat hil zen. Alta eta bajen balantzea egin ondotik, orain 24 daude ospitalean, horietatik 6 ZIUan.

Birusak eragindako infekzioen intzidentzia metatuari dagokionez, 83.193 pertsonakoa da, eta heriotza kopurua 1.249koa.
 
Nafarroan 994.192 txerto eman dituzte oraingoz. Herenegun, urriaren 20an, 118 txerto paratu zituzten eta, oraingoz, 524.701 pertsonek hartu dituzte bi dosiak.
 

12 urte edo gehiago dutenek online har dezakete hitzordua

12 urte edo gehiago dutenek Osasun Karpeta Pertsonalean sar daitezke eta hautatu zein toki, egun eta ordutan hartu nahi duten txertoa.

Zalantza txikienarekin antigeno testa egitera joan eta bigarren PCRa egiteko orduan ez hutsik egin

Helburua ahalik eta kutsadura gehien atzematea da, bereziki harreman sozialak eta familiarrak areagotzen diren garai hauetan. 

Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun