COVID-19: Azken datuak

Lau positibo atzeman zituzten atzo eskualdean: hiru Elizondon eta bat Donezteben

109 positibo atzeman zituzten atzo Nafarroa osoan.

Atzo lau positibo atzeman zituzten gure lurraldeko herrietan: hiru Elizondon eta bat Donezteben. Nafarroa osoko datuei erreparatuta, atzo 111 positibo atzeman zituzten. Atzo, irailak 2, bortz pertsona ospitaleratu zituzten, horietako bat ZIUan, eta ez zen inor hil.

Gure lurraldean pandemiaren hasieratik metatutako positiboak errepasatuz gero, atzo arte 711 dira Doneztebeko osasun eremuan (Malerreka+Bertizarana) atzeman dituztenak, 984 Elizondoko eremuan  (Baztan+Urdazubi+Zugarramurdi), 587 Leitzako eremuan (Arano+Areso+Goizueta+Leitza) eta 1.239 Bortzirietan.

Nafarroa osoko datuei dagokionez, atzo, irailak 2, 1.395 proba egin zituzten eta horietatik 111 positibo eman zuten (%8)

COVID-19ak jota, atzo, irailak 2, bortz pertsona ospitaleratu zituzten, horietako bat ZIUan, eta ez zen inor hil. Alta eta bajen balantzea egin ondotik, orain 77 daude ospitalean, horietatik 25 ZIUan.

Birusak eragindako infekzioen intzidentzia metatuari dagokionez, atzoko kasuak kontatuta 81.642 pertsonakoa da, eta heriotza kopurua 1.229koa.
 
Nafarroan 932.893 txerto eman dituzte atzo arte. Atzo, irailak 2, 4.072 txerto paratu zituzten eta, oraingoz, 479.081 pertsonek hartu dituzte bi dosiak.
 

12 urte edo gehiago dutenek online har dezakete hitzordua

12 urte edo gehiago dutenek Osasun Karpeta Pertsonalean sar daitezke eta hautatu zein toki, egun eta ordutan hartu nahi duten txertoa.

Zalantza txikienarekin antigeno testa egitera joan eta bigarren PCRa egiteko orduan ez hutsik egin

Helburua ahalik eta kutsadura gehien atzematea da, bereziki harreman sozialak eta familiarrak areagotzen diren garai hauetan. 

Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun