COVID-19: Azken datuak

Bortz positibo atzeman zituzten atzo eskualdean: lau Elgorriagan eta bat Leitzan

Ttipi-Ttapa 2021ko ira. 1a, 06:49

Atzo bortz positibo atzeman zituzten gure lurraldeko herrietan: lau Elgorriagan eta bat Leitzan. Nafarroa osoko datuei erreparatuta, atzo 139 positibo atzeman zituzten. Atzo, abuztuak 31, bortz pertsona ospitaleratu zituzten, horietako bat ZIUn, eta ez zen inor hil.

Gure lurraldean pandemiaren hasieratik metatutako positiboak errepasatuz gero, atzo arte 710 dira Doneztebeko osasun eremuan (Malerreka+Bertizarana) atzeman dituztenak, 979 Elizondoko eremuan  (Baztan+Urdazubi+Zugarramurdi), 587 Leitzako eremuan (Arano+Areso+Goizueta+Leitza) eta 1.238 Bortzirietan.

Nafarroa osoko datuei dagokionez, atzo, abuztuak 31, 1.427 proba egin zituzten eta horietatik 139 positibo eman zuten (%9,7)

COVID-19ak jota, atzo, abuztuak 31, bortz pertsona ospitaleratu zituzten, horietako bat ZIUn eta ez zen inor hil. Alta eta bajen balantzea egin ondotik, orain 81 daude ospitalean, horietatik 26 ZIUan.

Birusak eragindako infekzioen intzidentzia metatuari dagokionez, atzoko kasuak kontatuta 80.738 pertsonakoa da, eta heriotza kopurua 1.228koa.
 
Nafarroan 923.192 txerto eman dituzte atzo arte. Atzo, abuztuak 31, 2.651 txerto paratu zituzten eta, oraingoz, 470.286 pertsonek hartu dituzte bi dosiak.
 

12 urte edo gehiago dutenek online har dezakete hitzordua

12 urte edo gehiago dutenek Osasun Karpeta Pertsonalean sar daitezke eta hautatu zein toki, egun eta ordutan hartu nahi duten txertoa.

Zalantza txikienarekin antigeno testa egitera joan eta bigarren PCRa egiteko orduan ez hutsik egin

Helburua ahalik eta kutsadura gehien atzematea da, bereziki harreman sozialak eta familiarrak areagotzen diren garai hauetan. 

Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun