Koronabirusa

Etxeratze agindua luzatzeko asmorik ez dutela adierazi du Txibitek

Urte politikoaren hasiera dela eta, prentsaurrekoa eman du gaur Maria Txibite Nafarroako Gobernuko presidenteak eta hor jakinarazi du ez dutela udan indarrean izan den etxeratze agindua berriz ezarriko. Asteburuetan eta besta egunetan, intzidentzia handiko tokietan, eta berez herrietako bestak ospatuko liratekeen egunetan 01:00etatik 06:00etara karrikan ibiltzea debekatua izan da udan, baina «datuen bilakaera ona» ikusita ez duela neurria berriz eskatuko erran du. 

Nafarroako Gobernuak uda honetan astez aste berritu du neurria, Nafarroako Auzitegi Nagusiari baimena eskatuta. Hala, ortzegun gauean, irailaren 2an, bukatuko da joan den astetik indarrean den etxeratze agindua. 

Orain, ordea, neurriak arintzearen aldeko apustua egin du eta «edukiera eta ordutegia» malgutzeko ordua dela erran du. Txibitek gaineratu duenez, aste honetan hainbat sektoretako eragileekin bilduko da neurriak arintzeaz solas egiteko.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun