Gure lurraldean pandemiaren hasieratik metatutako positiboak errepasatuz gero, atzo arte 708 dira Doneztebeko osasun eremuan (Malerreka+Bertizarana) atzeman dituztenak, 978 Elizondoko eremuan (Baztan+Urdazubi+Zugarramurdi), 585 Leitzako eremuan (Arano+Areso+Goizueta+Leitza) eta 1.236 Bortzirietan.
Nafarroa osoko datuei dagokionez, atzo, abuztuak 29, 785 proba egin zituzten eta horietatik 70e positibo eman zuten (%8,9)
COVID-19ak jota, atzo, abuztuak 29, bortz pertsona ospitaleratu zituzten, ospitaleratuta zegoen bat ZIUan sartu zuten, eta pertsona bat hil zen. Alta eta bajen balantzea egin ondotik, orain 85 daude ospitalean, horietatik 25 ZIUan.
12 urte edo gehiago dutenek online har dezakete hitzordua
12 urte edo gehiago dutenek Osasun Karpeta Pertsonalean sar daitezke eta hautatu zein toki, egun eta ordutan hartu nahi duten txertoa.
Zalantza txikienarekin antigeno testa egitera joan eta bigarren PCRa egiteko orduan ez hutsik egin
Helburua ahalik eta kutsadura gehien atzematea da, bereziki harreman sozialak eta familiarrak areagotzen diren garai hauetan.
Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.