Ortziral arratsaldean jokatu zen Doneztebeko Behar-Zana pilotalekuan gaztetxoen Laxoa finala. Doneztebeko bi talde izan ziren aurrez aurre, Doneztebe C eta Doneztebe A. Koteto Ezkurra, Lander Arozena, Lukas Ezkurra eta Ekai Elortzak osatutako laukoteak irabazi zuen txapela 9 eta 2 Jon Larunbe, Javier Zabala, Ikeer Anzizar eta Ibai Elortzari irabazi ondotik.
Finala jokatzeaz gain hirugarren eta laugarren postuak erabakitzeko partidak ere jokatu ziren. Iruritako bi taldeak lehiatu ziren lehenengo partidan eta Irurita B-k 7 eta 4 irabazi zion Irurita A-ri.
Txapelak eta trofeoak banatzen Javier Conde, Nafarroako Pilota Federazioko lehendakaria eta Antonio Gaskue lehendakari ordea izan ziren.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
