Gure lurraldean pandemiaren hasieratik metatutako positiboak errepasatuz gero, atzo arte 653 dira Doneztebeko osasun eremuan (Malerreka+Bertizarana) atzeman dituztenak, 816 Elizondoko eremuan (Baztan+Urdazubi+Zugarramurdi), 543 Leitzako eremuan (Arano+Areso+Goizueta+Leitza) eta 1.129 Bortzirietan.
Nafarroa osoko datuei dagokionez, gaur, uztailak 29, 2.903 proba egin zituzten eta horietatik 404k positibo eman zuten (% 13,9)
COVID-19ak jota, gaur, uztailak 29, hamalau pertsona ospitaleratu dituzte, horietatik bi ZIUan eta bi lagun hil dira. Alta eta bajen balantzea egin ondotik, orain 120 daude ospitalean, horietatik 19 ZIUan.
18 urte edo gehiago dutenek online har dezakete hitzordua
18 urte edo gehiago dutenek Osasun Karpeta Pertsonalean sar daitezke eta hautatu zein toki, egun eta ordutan hartu nahi duten txertoa.
Zalantza txikienarekin antigeno testa egitera joan eta bigarren PCRa egiteko orduan ez hutsik egin
Helburua ahalik eta kutsadura gehien atzematea da, bereziki harreman sozialak eta familiarrak areagotzen diren garai hauetan.
Gogoratu PCRko proba batean emaitza positiboa duten pertsonek beren kontaktu estuak Osasun karpeta pertsonalaren bidez adieraz ditzaketela, eta ez dutela aztarna-taldeak kontaktatu zain egon beharrik.