Urrizak eta Aizpuru III.ak irabazi dute San Fermin erremonte txapelketa nagusia

San Fermin erremonte txapelketa nagusian, final bikaina jokatu zuten Urrizak eta Aizpuru III.ak, Ansa II.a eta Larrañagaren kontra. 30-29 irabazi zuten gorriek, nahiz eta partidaren zatirik handienean gibeletik izan markagailuan. 

Larrañaga bikain ibili zen sakean eta Urriza jokoan gutti sartzea lortu zuen. Halere, sufrimendu handiz, lehiari eutsi zioten gorriek. Ia beti gibeletik ibili arren, inguruan ibili ziren (zortzi berdinketa izan ziren partidan). Hogeita bederatzinako azken berdinketaren ondotik, Ansa II.ak hormabikoan arriskatu eta gaizki atera zitzaion. Beraz, Urriza eta Aizpuru III.a dira San Fermin erremonte txapelketa nagusiaren txapeldunak.

Erlazionatuak

Aritz Zubiri txapeldun eta Oskar Urrutia txapeldunorde San Fermin erremonte txapelketan

Bigarren mailako finalean, jaun eta jabe izan zen atzelari goizuetarra eta Loitegirekin batera, 30-21 irabazi zien ongi aritu zen aurrelari saldias...

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun