Hodei Lujanbio eta Maria Rebeca Mariño Nafarroako selekzioarekin ariko dira Espainiako federazio arteko Trail Running txapelketan

Hodei Lujanbio, joan den urteko Lesakako mendi lasterketan.

Abuztuaren 7an izanen dute 31,8 kilometroko lasterketa Kanariar Uhartetako La Palma irlan

Nafarroako Atletismo Federazioak izendatu ditu abuztuaren 7an kanariar uhartetako La Palman jokatuko den Espainiako federazio arteko Trail Running  txapelketarako Nafarroako selekzioko ordezkariak. Gizonezkoetan, Hodei Lujanbio goizuetarra izanen da bortz korrikalarietako bat eta emakumezkoetan, Elizondon bizi den Maria Rebeca Mariño.

Gizonezkoetan, Lujanbiorekin batera, Alvaro Ramos, Ion Sola, Ion Ridruejo eta Jesus Mari Alegria ariko dira eta emakumezkoetan, Maria Rebeca Mariñorekin batera, Maria Ordoñez, Ainara Alcuaz, Elisa Gonzalez eta Maria Irigoien. Guztiek, abuztuaren 7an La Palman jokatuko den Reventón Trail lasterketan parte hartuko dute. 31,8 kilometroko lasterketa izanen dute, 2.679 metroko desnibel pilatuarekin (1.490+/1452-). Federazio bakoitzeko hiru lehenbiziko sailkatuek puntuatuko dute helmugan.

Asteburu honetan, III. Larrate Trail irabazia dute Hodei Lujanbiok eta Maria Rebeca Mariñok.

 

Erlazionatuak

III. Larrate Trail irabazi dute Hodei Lujanbio goizuetarrak eta Maria Rebeca Mariño elizondarrak

Navartrail kopako laugarren lasterketa irabazita, kasik segurtatua du txapela korrikalari goizuetarrak

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun