COVID-19: Azken datuak

Nafarroan 333 positibo atzeman zituzten atzo, horietatik lau Bortzirietan, hiru Malerrekan eta bat Baztanen

Ttipi-Ttapa 2021ko uzt. 7a, 07:15
Deskargatu Info Ahotsak :
Español English Français Català Galego

Osasunbideak Salouko agerraldiarekin lotutako mila positibo baino gehiago atzeman ditu azken bost egunetan.

Azken datuen arabera, gure lurraldean atzo zortzi positibo atzeman zituzten: hiru Beran, bi Elgorriagan eta bana Elizondon, Donezteben eta Lesakan. Nafarroa osoko behin-betikko datuei erreparatuta, atzo 333 positibo atzeman zituzten eta, atzo ere, pertsona bat hil zen Covid-agatik, hiru pertsona ospitaleratu zituzten eta ospitaleratuta zegoen bat ZIUan sartu behar izan zuten.

Gure lurraldean pandemiaren hasieratik metatutako positiboak errepasatuz gero, atzo arte 481 dira Doneztebeko osasun eremuan (Malerreka+Bertizarana) atzeman dituztenak, 717 Elizondoko eremuan  (Baztan+Urdazubi+Zugarramurdi), 451 Leitzako eremuan (Arano+Areso+Goizueta+Leitza) eta 533 Bortzirietan.

Nafarroa osoko datuei dagokionez, atzo, uztailak 6, 2.196 proba egin zituzten (- PCR eta - antigeno proba) eta horietatik 333k positibo eman zuten (% 15,2)

COVID-19ak jota, atzo, uztailak 6, pertsona bat hil zen Covid-agatik, hiru pertsona ospitaleratu zituzten eta ospitaleratuta zegoen bat ZIUan sartu behar izan zuten. Alta eta bajen balantzea egin ondotik, orain 25 daude ospitalean, horietatik 9 ZIUan.

Ikuspegi geografikotik, Iruñean eta Iruñerrian daude positiboen %59, Tuteran %29eta Lizarran %3. Gainerako positiboak (%9) Nafarroako bertze eskualde batzuen artean daude banatuak.
 
Txertaketa-planari dagokionez, Nafarroan 647.358 pertsona txertatu dituzte atzoko egunera arte. Atzo, uztailak 6, 5.555 txerto paratu zituzten eta, oraingoz, 279.595 pertsonek hartu dituzte bi dosiak.
 

Adin-tartekako kasuen banaketari dagokionez, talde nagusia 15-29 urtekoa da (%88), eta atzetik 30-44 urtekoa (%-). Ondotik, 15 urtetik beherako taldeak (%-) eta 45 urtetik 59 urtera eta 60 urtetik 75 urtera bitartekoak (%-). Azkenik, 75 urtetik gorakoen taldean atzeman zituzten kasuen % 1. Positibo berrien batez bertzeko adina 20,7 urtekoa da. Generoari dagokionez, % 52 emakumeak dira eta % 48 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 65.804 pertsonakoa da, eta heriotza kopurua 1.193koa.

 

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!