Koronabirusa

Baztan-Bidasoko 30-39 urtekoak Donezteben txertatuko dituzte eta Leitzaldekoak Altsasun eta Irurtzunen

Ttipi-Ttapa 2021ko eka. 24a, 10:00

Hasieran orain arteko bideari eutsiz, 30-39 urtekoen txertaketak eskualdeka eginen zituztela adierazi bazuten ere, azken orduotan aldaketak iragarri dituzte. Hala, Baztan, Bertizarana, Bortziriak eta Malerrekako adin tarte horretakoak Donezteben txertatuko dituzte eta Arano, Areso, Goizueta eta Leitzakoak, berriz, Altsasun eta Irurtzunen. Ikusi hemen egutegia eta txanda hartzeko egin beharrekoa.

Bai Baztan-Bidasokoek baita Leitzaldea-Urumealdekoek ere hainbat izanen dituzte Covid-19aren kontrako txertoa hartzeko.

Baztan, Bertizarana, Bortziriak eta Malerrekako 30-39 urtekoak Donezteben txertatuko dituzte

1. aukera:

  • Uztailaren 5ean lehenbiziko dosia.
  • Uztailaren 26an bigarren dosia.

2. aukera: 

  • Uztailaren 22an  lehenbiziko dosia.
  • Abuztuaren 12an bigarren dosia.

Arano, Areso, Goizueta eta Leitzako 30-39 urtekoek Altsasun eta Irurtzunen hartu ahal izanen dute txertoa

1. aukera Altsasun

  • Uztailaren 1ean lehenbiziko dosia.
  • Uztailaren 23an bigarren dosia.

2. aukera Irurtzunen

  • Uztailaren 21ean lehenbiziko dosia.
  • Abuztuaren 11n bigarren dosia.

Aitzinerago Iruñean txertatzeko aukera izanen dute.

 

Txanda hartzeko hauek dira bideak:

  • Osasun Karpeta Pertsonalean sartuta.
  • citas.covid@navarra.es-era idatzita.
  • SMS mezua ailegatzean, loturan sartuta.
  • 948 37 01 30 telefonora deituta.

Arano, Areso, Goizueta eta Leitzako udalek jakinarazi dutenez, Leitza eta Goizuetako osasun etxeetan ezin da txandarik hartu.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun