COVID-19: Azken datuak

Nafarroan 26 positibo atzeman zituzten atzo, horietako bi Leitzan

Alta eta bajen balantzea egin ondotik, orain 35 daude ospitalean, horietatik 11 ZIUan.

Azken datuen arabera, atzo bi positibo atzeman zituzten gure lurraldean: biak Leitzan. Nafarroa osoko behin-behineko datuei erreparatuta, atzo 26 positibo atzeman zituzten, bi pertsona ospitaleratu zituzten, ez zuten inor ZIUan sartu eta ez zuten hildakoren berririk eman.

Gure lurraldean pandemiaren hasieratik metatutako positiboak errepasatuz gero, 468 dira Doneztebeko osasun eremuan (Malerreka+Bertizarana) atzeman dituztenak, 714 Elizondoko eremuan  (Baztan+Urdazubi+Zugarramurdi), 443 Leitzako eremuan (Arano+Areso+Goizueta+Leitza) eta 525 Bortzirietan.

Nafarroa osoko datuei dagokionez, atzo, ekainak 13, 854 proba egin zituzten (556 PCR eta 298 antigeno proba) eta horietatik 49k positibo eman zuten (%3)

COVID-19ak jota, atzo, ekainak 13, bi pertsona ospitaleratu zituzten, ez zuten inor ZIUan sartu eta ez zuten hildakoren berririk eman. Alta eta bajen balantzea egin ondotik, orain 35 daude ospitalean, horietatik 11 ZIUan.

Ikuspegi geografikotik, Iruñean eta Iruñerrian daude positiboen %81, Tuteran %4 eta Lizarran %0. Gainerako positiboak (%15) Nafarroako bertze eskualde batzuen artean daude banatuak.
 
Txertaketa-planari dagokionez, Nafarroan 499.090 pertsona txertatu dituzte atzoko egunera arte. Atzo, ekainak 13, 4.072 txerto paratu zituzten eta, oraingoz, 190.156 pertsonek hartu dituzte bi dosiak.
 

Adin-tartekako kasuen banaketari dagokionez, talde nagusia 45 eta 59 urte bitartekoa da (%35), ondotik 15 urtetik beherakoak eta 15-29 urtekoak (%23). Segidan, 30-44 urteko taldea (%12) eta 75 urtetik gorakoena (%7). Atzo ez zen kasurik izan 60 eta 75 urte bitarteko taldean. Positibo berrien batez bertzeko adina 36 urtekoa da. Generoari dagokionez, % 54 emakumeak dira eta % 46 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 62.802 pertsonakoa da, eta heriotza kopurua 1.190ekoa.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun