Gure lurraldean pandemiaren hasieratik metatutako positiboak errepasatuz gero, 462 dira Doneztebeko osasun eremuan (Malerreka+Bertizarana) atzeman dituztenak, 712 Elizondoko eremuan (Baztan+Urdazubi+Zugarramurdi), 438 Leitzako eremuan (Arano+Areso+Goizueta+Leitza) eta 525 Bortzirietan.
Nafarroa osoko datuei dagokionez, atzo, ekainak 7, 1.757 proba egin zituzten (796 PCR eta 961 antigeno proba) eta horietatik 39k positibo eman zuten (%2,5)
COVID-19ak jota, atzo, ekainak 7, hiru pertsona ospitaleratu zituzten, jada ospitaleratua zeuden bi ZIUan sartu zituzten eta ez zuten hildakoren berririk eman. Alta eta bajen balantzea egin ondotik, orain 40 daude ospitalean, horietatik 14 ZIUan.
Adin-tartekako kasuen banaketari dagokionez, talde nagusiak 30 eta 44 urte bitartekoak dira (%36), eta 45 eta 59 urte bitartekoak (%26). Ondotik, 15-29 urteko taldea (%24) eta 15 urtetik beherakoak (%7). Azkenik, 75 urtetik gorakoen taldea dago (%5) eta 60 eta 75 urte bitartekoen taldea (%2). Positibo berrien batez bertzeko adina 39 urtekoa da. Generoari dagokionez, % 62 emakumeak dira eta % 38 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 62.504 pertsonakoa da, eta heriotza kopurua 1.190ekoa.