COVID-19: Azken datuak

Nafarroan 88 positibo atzeman zituzten atzo baina, seigarren egunez, bakar bat ere ez gure herrietan

Ttipi-Ttapa 2021ko eka. 2a, 07:17
Deskargatu Info Ahotsak :
es en fr

Alta eta bajen balantzea egin ondotik, orain 42 daude ospitalean, horietatik 13 ZIUan.

Azken datuen arabera, atzo, seigarren egunez segidan, ez zuten kasu positibo bakar bat ere atzeman gure lurraldean. Nafarroa osoko azken datuei erreparatuta, positibotasun tasa %3,8koa da eta COVID-19agatik gaixotuta ospitalean 42 pertsona zeuden (horietatik 13 ZIUan). Atzeman zituzten 88 kutsatuen batez bertzeko adina 31,1 urtekoa da. Iazko martxoaz geroztik COVID-19aren ondorioz Nafarroan hildakoen kopurua 1.188koa zen atzo.

Gure lurraldean pandemiaren hasieratik metatutako positiboak errepasatuz gero, 461 dira Doneztebeko osasun eremuan (Malerreka+Bertizarana) atzeman dituztenak, 708 Elizondoko eremuan  (Baztan+Urdazubi+Zugarramurdi), 431 Leitzako eremuan (Arano+Areso+Goizueta+Leitza) eta 525 Bortzirietan.

Nafarroa osoko datuei dagokionez, atzo, ekainak 1, 2.282 proba egin zituzten (1.290 PCR eta 992 antigeno proba) eta horietatik 88k positibo eman zuten (%3,8)

COVID-19ak jota, atzo, ekainak 1, ospitalean zegoen pertsona bat ZIUan sartu zuten eta hildako baten berri eman zuten. Alta eta bajen balantzea egin ondotik, orain 42 daude ospitalean, horietatik 13 ZIUan.

Ikuspegi geografikotik, Iruñean eta Iruñerrian daude positiboen %58, Tuteran %15 eta Lizarran %3. Gainerako positiboak (%24) Nafarroako bertze eskualde batzuen artean daude banatuak.
 
Txertaketa-planari dagokionez, Nafarroan 409.254 pertsona txertatu dituzte atzoko egunera arte. Atzo, ekainak 1, 7.451 txerto paratu zituzten eta, oraingoz, 152.770 pertsonek hartu dituzte bi dosiak.
 

Adin-tartekako kasuen banaketari dagokionez, talde nagusiak 15 urtetik beherakoak (%28) eta 30-44 urtekoak (%24) dira. Ondortik, 15-29 urteko taldea (%22) eta 45-59 urteko taldea (%19). Azkenik, 60 eta 75 urte bitarteko taldea dago (%6), eta 75 urtetik gorakoak (%1). Positibo berrien batez bertzeko adina 31,1 urtekoa da. Generoari dagokionez, % 52 emakumeak dira eta % 48 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 62.187 pertsonakoa da, eta heriotza kopurua 1.188koa.

 

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun