Gure lurraldean pandemiaren hasieratik metatutako positiboak errepasatuz gero, 461 dira Doneztebeko osasun eremuan (Malerreka+Bertizarana) atzeman dituztenak, 708 Elizondoko eremuan (Baztan+Urdazubi+Zugarramurdi), 431 Leitzako eremuan (Arano+Areso+Goizueta+Leitza) eta 525 Bortzirietan.
Nafarroa osoko datuei dagokionez, atzo, maiatzak 30, 1.113 proba egin zituzten (735 PCR eta 378 antigeno proba) eta horietatik 50ek positibo eman zuten (%4,5)
COVID-19ak jota, atzo, maiatzak 30, pertsona bat ospitaleratu zuten Nafarroan eta hildako baten berri eman zuten. Alta eta bajen balantzea egin ondotik, orain 47 daude ospitalean, horietatik 12 ZIUan.
Adin-tartekako kasuen banaketari dagokionez, talde nagusiak 15 urtetik beherakoak dira (%42), atzetik 15-29 urtekoak eta 30-44 urtekoak (%18). Ondotik, 45 eta 59 urte bitarteko taldea (%10) eta 60 eta 75 urte artekoa (%8). Azkenik, 75 urtetik gorakoen taldea dago (%4). Positibo berrien batez bertzeko adina 29 urtekoa da. Generoari dagokionez, % 54 emakumeak dira eta % 46 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 62.034 pertsonakoa da, eta heriotza kopurua 1.186koa.