Ortziraletik aitzinera Nafarroan indarrean neurri hauek sartuko dira eta ekainaren 3ra arte hala segituko dute:
- Eremu publikoetan eta pribatuetan gehienez zortzi lagun biltzea aholkatu du gobernuak, hiru bizikidetza-unitatetakoak.
- Ostalaritzako neurriak bere horretan mantenduko dituzte: Barrenean kontsumoa baimenduta dago. Irekitzeko bi aukera daude: batetik, baimendutako gehieneko edukieraren %30arekin edo edukiera mugarik gabe baina mahaien arteko distantziak handituta eta CO2 neurgailuarekin. Terrazak %100eko edukierarekin irekitzen ahalko dira eta beranduenez 01:00etan itxi beharko dituzte.
- Hotelak, aterpeak...: Partekatzen diren eremuetan edukiera %50ekoa izanen da, eta literak dituzten aterpetxeko logeletan, ezin bada pertsonen arteko gutxieneko tartea gorde, edukiera gehienez %30ekoa izanen da.
- Beilak eta hiletak: Gehienez ere 75 pertsona biltzen ahalko dira aire zabalean direnean, eta gehienez 15 toki itxietan. Hileten segizioan gehienez 50 pertsona elkartzen ahalko dira.
- Gurtza-lekuak –elizak–: Ezin izanen da gainditu baimendutako gehieneko edukieraren %30, eta, nolanahi ere, ezin izanen dira 200 lagun baino gehiago bildu.
- Ezkontzak, bataioak, jaunartzeak eta bertzelako ospakizun erlijioso eta zibilak: 30 pertsonako muga izanen dute barrenean eta 50 pertsonakoa kanpoaldean ospakizunerako.
- Komertzioetako, akademietako, igerilekuetako eta liburutegietako ordutegia 21:00etatik 22:00etara luzatuko dute.
- Komertzio ttikietan edukiera %60era zabalduko dute.
- Elkarte gastronomikoak eta peñak irekitzen ahalko dira, beti ere, gehienez %30eko edukierarekin.
- Liburutegi eta ludoteketan haurrentzako jarduerak egiten ahalko dira, gehienez ere 12 partaideko taldetan.
- Parkeetan ez da edukiera mugarik izanen.