Gure lurraldean pandemiaren hasieratik metatutako positiboak errepasatuz gero, 460 dira Doneztebeko osasun eremuan (Malerreka+Bertizarana) atzeman dituztenak, 703 Elizondoko eremuan (Baztan+Urdazubi+Zugarramurdi), 425 Leitzako eremuan (Arano+Areso+Goizueta+Leitza) eta 519 Bortzirietan.
Nafarroa osoko datuei dagokionez, atzo, maiatzak 17, 2.094 proba egin zituzten (982 PCR eta 1.112 antigeno proba) eta horietatik 49k positibo eman zuten (%2,3)
COVID-19ak jota, atzo, maiatzak 17, 6 pertsona ospitaleratu zituzten Nafarroan, horietatik 0 ZIUn, eta 0 hildakoren berri eman zuten. Alta eta bajen balantzea egin ondotik, orain 107 daude ospitalean, horietatik 20 ZIUn.
Adin-tartekako kasuen banaketari dagokionez, talde nagusia 30-44 urte bitartekoa da (%32). Ondotik, 45 eta 59 urte bitarteko taldeak daude (%24), eta 15 urtetik beherakoak eta 15-29 urtekoak (%16). Azkenik, 60 eta 75 urte bitarteko taldea dago (%12). Atzo ez zen kutsadurarik izan 75 urtetik gorakoen artean. Positibo berrien batez bertzeko adina 35,1 urtekoa da. Generoari dagokionez, % 54 emakumeak dira eta % 46 gizonak.
Birusak eragindako infekzioen intzidentzia metatuari dagokionez, atzoko kasuak batuz gero, 61.228 pertsonakoa da, eta heriotza kopurua 1.182koa.