COVID-19: Azken datuak

Nafarroan 111 kasu positibo atzeman zituzten atzo, horietako zortzi Leitzako osasun eremuan, hiru Baztangoan eta bat Donezteben

Ttipi-Ttapa 2021ko mai. 8a, 07:17
Deskargatu Info Ahotsak :
Español English Français Català Galego

Alta eta bajen balantzea egin ondotik, orain 152 daude ospitalean, horietatik 28 ZIUn.

Azken datuen arabera, 12 positibo atzeman dituzte gure lurraldean: bost Leitzan, hiruna Areson eta Zigan eta bat Donezteben. Nafarroa osoko azken datuei erreparatuta, positibotasun tasa %5ekoa da eta COVID-19agatik gaixotuta ospitalean 152 pertsona zeuden (horietatik 28 ZIUn). Atzeman zituzten 111 kutsatuen batez bertzeko adina 37 urtekoa da. Iazko martxoaz geroztik COVID-19aren ondorioz Nafarroan hildakoen kopurua 1.174koa zen atzo.

Gure lurraldean pandemiaren hasieratik metatutako positiboak errepasatuz gero, 456 dira Doneztebeko osasun eremuan (Malerreka+Bertizarana) atzeman dituztenak, 691 Elizondoko eremuan  (Baztan+Urdazubi+Zugarramurdi), 405 Leitzako eremuan (Arano+Areso+Goizueta+Leitza) eta 512 Bortzirietan.

Nafarroa osoko datuei dagokionez, atzo, maiatzak 7, 2.236 proba egin zituzten (1.357 PCR eta 879 antigeno proba) eta horietatik 111k positibo eman zuten (%5)

COVID-19ak jota, atzo, maiatzak 7, 8 pertsona ospitaleratu zituzten Nafarroan, horietatik 1 ZIUn, eta 0 hildakoren berri eman zuten. Alta eta bajen balantzea egin ondotik, orain 152 daude ospitalean, horietatik 28 ZIUn.

Ikuspegi geografikotik, Iruñean eta Iruñerrian daude positiboen %37, Tuteran %16 eta Lizarran %11. Gainerako positiboak (%36) Nafarroako bertze eskualde batzuen artean daude banatuak.
Txertaketa-planari dagokionez, Nafarroan 289.481 pertsona txertatu dituzte atzoko egunera arte. Atzo, maiatzak 7, 7.156 txerto paratu zituzten eta, oraingoz, 88.932 pertsonek hartu dituzte bi dosiak.
 

Adin-tartekako kasuen banaketari dagokionez, talde nagusiak 45 eta 59 urte bitartekoak dira (%39), eta 15 urtetik beherakoak (%21). Ondotik, 15-29 urteko taldeak daude (%19) eta 30-44 urtekoak (%11). Azkenik, 60 eta 75 urte bitarteko taldeak (%5) eta 75 urtetik gorakoak (%5). Positibo berrien batez bertzeko adina 37 urtekoa da. Generoari dagokionez, % 50 emakumeak dira eta % 50 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 60.516 pertsonakoa da, eta heriotza kopurua 1.174koa.

 

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!