COVID-19: Azken datuak

Nafarroan 222 kasu positibo atzeman zituzten atzo, horietatik bi Donezteben eta bat Leitzan

Alta eta bajen balantzea egin ondotik, orain 182 daude ospitalean, horietatik 29 ZIUn.

Azken datuen arabera, hiru positibo atzeman dituzte gure lurraldean: bi Donezteben eta bat Leitzan. Nafarroa osoko azken datuei erreparatuta, positibotasun tasa %9,2koa da eta COVID-19agatik gaixotuta ospitalean 182 pertsona zeuden (horietatik 29 ZIUn). Atzeman zituzten 222 kutsatuen batez bertzeko adina 39,8 urtekoa da. Iazko martxoaz geroztik COVID-19aren ondorioz Nafarroan hildakoen kopurua 1.129koa zen atzo.

Gure lurraldean pandemiaren hasieratik metatutako positiboak errepasatuz gero, 441 dira Doneztebeko osasun eremuan (Malerreka+Bertizarana) atzeman dituztenak, 624 Elizondoko eremuan  (Baztan+Urdazubi+Zugarramurdi), 297 Leitzako eremuan (Arano+Areso+Goizueta+Leitza) eta 480 Bortzirietan.

Nafarroa osoko datuei dagokionez, atzo, apirilak 7, 2.411 proba egin zituzten (1.284 PCR eta 1.127 antigeno proba) eta horietatik 222k positibo eman zuten (%9,2)

COVID-19ak jota, atzo, apirilak 7, 13 pertsona ospitaleratu zituzten Nafarroan, horietatik 2 ZIUn, eta 1 hildakoren berri eman zuten. Alta eta bajen balantzea egin ondotik, orain 182 daude ospitalean, horietatik 29 ZIUn.

Ikuspegi geografikotik, Iruñean eta Iruñerrian daude positiboen %44, Tuteran %22 eta Lizarran %19. Gainerako positiboak (%15) Nafarroako bertze eskualde batzuen artean daude banatuak.
Txertaketa-planari dagokionez, Nafarroan 141.727 pertsona txertatu dituzte atzoko egunera arte. Atzo, apirilak 7, 4.044 txerto paratu zituzten eta, oraingoz, 45.760 pertsonek hartu dituzte bi dosiak.
 

Adin-tartekako kasuen banaketari dagokionez, talde nagusia 15-29 urtekoa da (%22), eta atzetik 30-44 urtekoa (%21). Ondotik, 45 eta 59 urte bitarteko eta 60 eta 75 urte bitarteko taldeak daude (%19, hurrenez hurren). Azkenik, 15 urtetik beherakoen taldea dago (%14) eta 60tik 75era bitartekoen taldea (%5). Positibo berrien batez bertzeko adina 39,8 urtekoa da. Generoari dagokionez, % 52 emakumeak dira eta % 48 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 55.653 pertsonakoa da, eta heriotza kopurua 1.129koa.

 

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun