COVID-19: Azken datuak

Positibo bakarra atzeman dute azken orduetan: Leitzan bat

Ttipi-Ttapa 2021ko mar. 25a, 07:33
Deskargatu Info Ahotsak :
Español English Français Català Galego

Nafarroan 106.002 pertsona txertatu dituzte atzoko egunera arte eta horietatik 34.245ek hartu dituzte bi dosiak.

Azken datuen arabera, positibo bakarra atzeman dute gure lurraldean: Leitzan. Nafarroa osoko azken datuei erreparatuta, positibotasun tasa %4,9koa da eta COVID-19agatik gaixotuta ospitalean 95 pertsona zeuden (horietatik 19 ZIUn). Atzeman zituzten 158 kutsatuen batez bertzeko adina 40,3 urtekoa da. Iazko martxoaz geroztik COVID-19aren ondorioz Nafarroan hildakoen kopurua 1.121ekoa zen atzo.

Gure lurraldean pandemiaren hasieratik metatutako positiboak errepasatuz gero, 422 dira Doneztebeko osasun eremuan (Malerreka+Bertizarana) atzeman dituztenak, 616 Elizondoko eremuan  (Baztan+Urdazubi+Zugarramurdi), 285 Leitzako eremuan (Arano+Areso+Goizueta+Leitza) eta 478 Bortzirietan.

Nafarroa osoko datuei dagokionez, atzo, martxoak 24, 3.184 proba egin zituzten (1.955 PCR eta 1.229 antigeno proba) eta horietatik 158k positibo eman zuten (%4,9)

COVID-19ak jota, atzo, martxoak 24, 10 pertsona ospitaleratu zituzten Nafarroan, horietatik 1 ZIUn, eta 0 hildakoren berri eman zuten. Alta eta bajen balantzea egin ondotik, orain 95 daude ospitalean, horietatik 19 ZIUn.

Ikuspegi geografikotik, Iruñean eta Iruñerrian daude positiboen %49, Tuteran %27 eta Lizarran %11. Gainerako positiboak (%13) Nafarroako bertze eskualde batzuen artean daude banatuak.
Txertaketa-planari dagokionez, Nafarroan 106.002 pertsona txertatu dituzte atzoko egunera arte. Atzo, martxoak 24, 3.124 txerto paratu zituzten eta, oraingoz, 34.245 pertsonek hartu dituzte bi dosiak.
 

Adin-tartekako kasuen banaketari dagokionez, talde nagusiak 45-59 urtekoak dira (%26) eta 30-44 urtekoak (%21). Ondotik, 15 urtetik beheitiko taldeak daude (%19), eta 15-29 urtekoak (%16). Azkenik, 60 eta 75 urte bitarteko taldeak daude (%13), eta 75 urtetik goitikoak (%5). Positibo berrien batez bertzeko adina 40,3 urtekoa da. Generoari dagokionez, % 55 emakumeak dira eta % 45 gizonak.

Birusak eragindako infekzioen intzidentzia metatuari dagokionez, atzoko kasuak batuz gero, 53.238 pertsonakoa da, eta heriotza kopurua 1.121ekoa.

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!